電話響起～
我：「你好，乜乜診所」
對方係一位女士：「喂？一陣收幾點呀？」
我：「今日收一點呀」
佢：「下晝開幾點呀？」
我：「星期六唔開下晝呀，要一點前嚟登記」
佢：「太陽都未落山你就收工啦？」
羨慕呀？
我：「係呀，今日開半日咋」
佢：「咁樣係半日都冇呀？」
又想陰我？
我：「我哋星期六一直都係收一點，你要睇嘅話就嚟診所啦」
佢：「而家個太陽曬到正一正喎」
我冇本事嗌個太陽收皮，不過應該可以嗌你收皮？
我：「怕曬嘅擔把遮啦，一點前嚟到登記就可以啦」
佢：「出去曬一曬曬到得返塊嘢㗎喎」
請問係邊塊嘢呀？可唔可以曬次嚟睇吓呀？
我：「擔把遮會好好多嘅，如果冇其他嘢嘅話，我要收線㗎啦」
佢：「唔得喎真係好曬喎」
我：「…」
佢：「可唔可以晏啲太陽落山先嚟呀？」
我：「我哋今日收一點」
佢：「夜晚呢？」
我：「我哋係收晏晝一點，唔係凌晨一點」
佢：「即係焗我而家嚟啫，曬到得返塊嘢都唔駛睇醫生啦我」
嘟。佢cut咗我線。
究竟係邊塊嘢呀？
Search